US President Donald Trump Cu Supreme Court Nih Taza Cuainak In A Luatn Ter.

Federal biaceih ah Donald Trump cu taza cuai asi nain biaceih zung sang bikmi Supreme Court nih taza cuaimi vialte cu a hrawh dih cang.Donald Trump cu US President a rak tuan lioah Washington D. C ah aum mi Trump Hotel kongah taza cuai asi. Donald Trump ngeihmi Washington D. C nih zulhphung a buar pinah ngunkhuai a pe loh tiin Trump cu Federal biaceih zung ah taza an cuai.Nain, Supreme Court nih Hotel kong tazacuai mi vialte a hrawh dih hna.

Donald Trump cu US President in aa din cang i; President a tuan lioah zulhphung an buarmi timi cu ceih awk a tha ti loh tiin Supreme Court nih taza cuaimi a donghter dih.President Donald Trump cu Senate ah tazacuai ding in House Democrats nih impeachment an tuahnak The Article of Impeachment for Incitement of Insurrection cu impeachment a tuahtu, House democrats hna aiawhtu, Managers hna nih tu zanlei ah Senate ah an rak chuahpi.

US phunghrampi ning ahcun Senate nih President taza an cuai ahcun US Supreme Court Chief Justice hruainak in tuah phung a si. Asinain President Donald Trump cu a term zong a dih cang I, President sinak in a ngol cang caah Supreme Court Chief justice John Robert hruainak si loin Senate President Pro Tempore Senator Patrick Leahy hruainak in tuah a si lai.

Tazacuaitu Democrats aiawhtu hna nih President Trump nih Capitol Hill ah buainak chuakpi nak kong tette an ngeihmi vialte cu Senate ah an phuan lai. Mah hnu ah Trump sihni hna nih an a sual lonak an chim ve lai. Mah hnu ah Senate ah debate an tuah te lai I, Senate minung 100 nih President Trump a sual le sual lo cu bia an chah lai. Senator minung 100 chungah cheu thum cheu hnih vote nak lawng in a sual tiah dantatnak pek khawh a si.

Senate ah Democrat le Republican cu vote 50 veve an ngei. Senate i cheu thum cheu hnih vote lawng in Trump cu sual dantatnak pek khawh a si. Republican minung 17 nih democrats lei I an ttan lawngah President Donald Trump cu sual dantatnak an pek kawh lai. Thong thlak cu a um lai lo, asinain President hlun hna nih an co dingmi benefit vialte cu chuh dih a si lai. Cun hmailei President thimnak ah cuhnak nawl an pe ti lai lo. Asinain Democrats tazacuai mi hi an hlawhtlin lai zumh a um lo. Salailairamthang

Be the first to comment

Leave a Reply

Your email address will not be published.


*