US President Hlun Barack Obama Zawng Nih A Hawikawm Ttha Tuk A Si Mi,Daw Suh Cu A Dirh Kamh Ve Cang.

A tu lio vawlei cung ramkip le mipi nih an hmuh mi le an theih mi, kawlram buainak kong cu US President hlun Obama nih a vun theih tikah cun, a lau tuk i, a ngeih zawng a chia ngai ngai tiah theih asi.A ruag cu, sualnak ngei lo mi,mipi hna cu ralkap nih an tlaih hna leng ah an thah tik hna ah cun, Obama nih cun a ruah nak a chim ve cang.

Democracy phung in kum zeimazat kan um hnu ah, Min Aung Hlaing nih cun, hlan lio ralkap uknak cu a ngaituk i, hramhram in uknak a lak tikah, mipi kan buaituk i, hi bantuk kan buai nak hi, ram chung mipi nih kan co hlang lo i, ramdang hna zawng nih an pawm pi hna lo mi asi.

President hlun Obama nih cun,a tu US cozah he lungrual tein rian ttuan tti i,ram dang he Min Aung Hlaing konglam ah bia tak tein ceih hmai a hau cang tiin a chim.a chim rih mi ah cun,Myanmar nih Democracy lam ttha tein a zoh khawhnak ding le anmah tein an ni zuam nak vialte hi kan ni nih cun kan pawmpiak dih cang tiah a chim .

Hi bantuk in sualnak a ngei lo mi hna, Min Aung Hlaing Nih a thah cuahmah lio hna hin, MIn Aung Hlaing le a ralkap hna hi, zoh sawsawh ding an si ti lo.minung le minung zawn i ruaknak a ngei lo mi hna, ralkap cung ah hin, vawlei cung ramkip hna zawng nih cathanh long chuah ti lo in, a taktak in rian ttuan a hau cang tiah a chim chimchap .Amen ..

A tu lio kawlram chung ah hin, harnak le muih nak tampi tawng hmanh u sihlaw, lungrual tein kan ttan tti i, kan doh peng siah cun, nikhatkhat ah cun,ceu nak cu kan hmuh hrimhrim ko lai.kawlram mipi hna hi vawlei cung mipi nih hin, an kan zoh sawsawh bal lai lo i,kan ni zuamnak cung ah zawng ah bawipa nih teinak caan cu a kan pek te ko lai ti hi zum cio ko u sih.

Be the first to comment

Leave a Reply

Your email address will not be published.