US President Joe Biden Nih Cun Kum Khat Chung Refugee A Lak Ding Mi Minung Zat A Chim Cang.

Joe Biden Nih Kum Khat Ah Refugee A Lak Dingmi Milu Zat Cu A Khiah Cang: US thimnak ah mipi cu bia a rak kam hna bang khan US president a simi Joe Biden nih cun mah cu a biakamnak a tlinternak caah a tu hi US ram chungah luhter dingmi ram leng refugee milu zah cu a khiah cang tiah theih a si. US president a simi Joe Biden nih a chimmi cu kum tin in ram leng um ralzam 125000 bak ka lak lengmang hna lai tiah a si.

A sinain a tu lio ah hin cun a tu lio zawtnak ruangah kum khat ah ram leng refugee 15000 lawng hi cohlang dingin a chim.Hi bantuk in ram leng um refugee a hung hung in a lak hnanak a ruang cu ram dang dang hna zong nih US tuarhsernak hi hmu hna seh law thil ttha tuah hi i cawng ve hna seh tiah a duh caah a si tiah US president a simi Joe Biden nih a chim.

US hi ram leng refugee a la tam cemtu a si nain 2016 kum ah khan ram leng refugee 79000 lawng a rak cohlang. Mah cu hnu cun duhdah tete in ram leng refugee a cohlangmi zat hi a tlawm deuh deuh cang i 2020 kum ah khan ram leng refugee 6740 lawng a rak cohlang. A sinain a tu cu ram leng ralzam a cohlang dingmi zah cu a tam ngaingai cang lai caah ram hnihnak a ummi Chin ralzam hna ca zongah Australia lawng hi kan i ruahchanmi ram a si ti lai lo timi hi fiang tein hmuh khawh a si.

Be the first to comment

Leave a Reply

Your email address will not be published.


*