US Student Visa Sawk A Ngah Than Cang

Covid ruang ah US embassy an khar i caan sau nawn visa sawk a ngah lo, atu cu student visa caah appointment an pek than cang. A thla in appointment hngah a hau ve.  Phaisa a ti kho deuhmi le rianrang deuh in a duhmi caah Bangkok in visa phit khawhnak lam zong kawl piak khawh asi. US student visa caah a dih dingmi: Sianginn admission fee: $100(sianginn pek ding)

I-20 Sevis fee: $350(US cozah pek ding) Visa application fee: $160(US embassy pek ding) Service fee: ting 5 or $320(kanmah pek ding) Visa phit tiang a dih ding dihlak $930 a si lai. US kal ding ah Covid vaccine i chunh a hau. Visa sungh a tam ngai, kum no deuh le English a thiam pahmi caah visa ngah a fawi deuh.  Australia lei cu visa sawk a ngah rih lo, kum dih lei ah a ngah lai tiah zumh asi. Salai Lung Thli Tum Fb Cahmai. The Hakha Times Awards 1. Chin Person of the Year 2021, 2. Chin Woman of the Year 2021,3. Chin Young Person of the Year 2021 Nominees Thim ning le tahfung Chin Person of the Year: 1. Miphun caah pumpek in rian a tuan i a hlawhtling mi Chin miphun a si lai. 2. Miphun tengnge thleidannak ngeilo in Chin miphun huap caah rian a tuan kho mi a si lai. 3. A riantuan mi nih 2021 kum chung ah Chinmi caah thathnemnak a pek pin ah Chin miphun mithmai a ngeihter khotu a si lai. 4. Kumkhua upa asiah, mino asiah, Chin miphun nih upat awktlak mi le bochan awktlak mi a si lai.

5. Kum 30 in a cunglei minung a si lai.2.Chin Woman of the Year 2021: 1. Miphun caah pumpek in rian a tuan i a hlawhtling mi le upat awktlak mi Chin miphun a si lai. 2. Chin Nu lak ah hmaisuang a si mi, min ngeimi, bochan awktlak mi Nu a si lai. 3. Abik in Nuhrin Covo kong ah Chin Nu hna dirhmun in 2021 kum chung ah rian a tuan kho mi a si lai. 4. Miphun tengnge thleidannak ngeilo in Chin miphun huap caah rian a tuan kho mi a si lai. 5. Kum 25 in a cunglei Nu a si lai.C. Chin Young Person of the Year 2021: 1. Young Person kan ti bantuk in kum 25 tang mino a si lai. 2. Mino kan ti bantuk in Nu zong a si kho i Pa zong a si kho. 3. Kum 25 tiang ah a cacawnnak ah maw, Zungmawi ah maw (e.g. Ringawn, lemcang, muidawh), rian a tuannak ah maw, thil pakhatkhat cung ah a hlawhtlinnak ah maw, asiloah lam pakhatkhat ah (2021 kum chung) bochan awktlak le upat awktlak mi a si lai. 4. Rian pakhatkhat ah a cawlcang mi a si ahcun miphun tengnge thleidannak ngeilo in Chin miphun huap caah rian a tuan kho mi a si lai.

5. A riantuannak maw, a cacawnnak maw, a thiamhleinak maw, a thiltikhawhnak maw, cu bantuk ah Chin miphun mithmai a ngeihter khotu a si lai. Hngalh ding le zulh hrimhrim ding 1. Mizapi nih vote nan pek mi kha biapi bik in marks kan lak lai i cun, Laksawng Tawlreltu Komiti nih a zohfel lai than lai. 2. Minung pakhat kha Person of the Year, Woman of the Year le Young Person of the Year ah vote thlak khawh le thim khawh thiamthiam a si lai.Asinain, minung pakhat nih vote pahnih thlah khawh a si lai lo. 3. Atanglei vote thlaknak link kan ser mi ah khin vote pek na duh mi amin, akum, a umnak, phone number, email le akonglam tawi na tialchih hrimhrim lai. 4. Chin ti mi biafang kan hman bantuk in, Thantlang, Hakha, Falam, Matupi, Tedim, Tonzang, Mindat, Kanpetlet le Paletwa tiin thim ding minung chuahpi cio khawh a si Thimfung (vote) thlak caan: 2021 November 20-30 Result thanh caan: 2021 December 1

Vote peknak link: https://surveyheart.com/form/61978c7580ebf162df14307d

Be the first to comment

Leave a Reply

Your email address will not be published.