Vanlawng Lei A Ttuan Mi,Vanlawng Ralbawi Minung (80) Hna Cu Ram Dang Ah An Tli Dih Cang.

Kawl Ralkap Air Force ah a ttuan mi Ralbawi 80 hrawng cu pehtlaihnak zong an tuah kho hna lo i an nunnak zong an thei hna lo tiah DVB nih a langhter. Hi Ralbawi 80 hrawng hna hi Ralkap in an chuak, an zam hnu ah a tu tiang an umnak zong theih an si lo pin ah pehtlaihnak zong an tuah kho hna lo ti asi.

Atu a zam mi Ralkap pawl hna hi Mandalay, Taungngo, Myikyina, Pathein, Mingalardung ti bantuk hrawng Arforce ah a ttuan mi pawl an si hna tiah DVB nih cun a langhter. An mah Airforce pawl hi zaanlei suimilam 8pm paoh ah minung i check nak tuah a si. A si nain Ralkap 80 leng cu minung check lio ah an um ti lo i an pumpak phone number zong in pehtlaihnak an tuah len hna nain an pehtlai kho ti hna lo cu pin ah an umnak zong an thei hna lo ti asi.

Hi kong he pehtlai in DVB nih cun “Airforce ah a ttuan mi Ralbawi tampi zong an zam an umnak an thei ti hna lo. Cu lawng si loin a dangdang Department in ralkap tampi zong an zam hna i CDM ah an luh dih cang hna” tiah a langhter hi asi.

Min Aung Hlaing nih hramhram in uknak a lak hnu, faktuk in ram mipi thah nawnnak a tuah hnu in ralbawi tampi zong an zam, Min Aung Hliang cawlcangh an duh ti lo caah an zam tak i Ralkap chung lila zong ah buainak tete a um ngai cang ti asi. Source: DVB

Be the first to comment

Leave a Reply

Your email address will not be published.


*