Vawlei Cung Mi Rum Bik Cem Bill Gate Nih President Hlun Donald Trump A Ttan Cang.

Social media nih Trump an tuah ning kongah Bill Gate nih Trump a dirpi ve cang.Mithiam pawl nih an chim mi kha a dik thluamah cang ko ti khawh si. Trump nih social media a kal tak a cun,Media pawl nih tial ding an ngei lai lo i, media le Social media cu zeihman a si ti lai lo an ti mi kha a hman a hau .

Donald Trump Jan 6 Capitol Hills riots ruangah Twitter, Facebook & YouTube nih Trump cu site pawl hmang kho ti lo ding in in an kham kha.Mah bantuk in Social Media nih Trump an kham caah Tech Giant pawl min a chiat ngai kha.Atu cu thlakhat hrawng a vun si cang i, Trump impeachment ah sualnak angei lo tiin biaceih zung nih thawngthanhnak a tuah cang.

Mah hnuah US, mirum, mi sifak le ram sifak caah heh tiah tangka hmangah a bawmh tawntu Bill Gates zong daihtein a um kho ti lo.Bill Gates nih a chim ning a cun, “Donald Trump hi Social media ah a vun kir than ding a si” Social Media nih an onh piak than ding a si tiin a chim.Mark Zuckerberg Facebook nih Trump cu Facebook a joint than lai maw lai lo ti review an ngei lio a si.

Twitter’s chief executive Jack Dorsey nih Trump cu Twitter in permanent ban a si lai tiin a rak chim cang kha.
Natein Microsoft co-founder Mr Gates nih CNBC interview a tuah nak ah Trump hi Social Media pawl nih an onh piak than a hau.Social Media ah Trump hi vun kir than cang seh tiin a chim.

Natein Newsmax ah Trump nih Telephone in interview a tuahnak ah a chim mi cu,Social Media pawl nih Free speech zei an rel lo caah Social Media ah kir than zong a duh lo tiin a chim.

Credit-CNBC&Newsmax

Be the first to comment

Leave a Reply

Your email address will not be published.


*