Vawlei Cung Sihni Thiam Bik Mi Le Min Thang Bik Si Mi Hna Nih Cun Min Aung Hlaing Taza An Cuai Cang Lai.By Dr. Sasa.

CRPH nih Special Envoy to UN ah an thimmi Dr.Sasa nih thawngthanhnak a tuahmi nih kawlram ralkap thin a phanter tak tak ko cang lai. CRPH cathluan ah aa tial ning ah cun, Ningcang loin uknak a latu kawlram ralkap cu phung ning tein tazacuai an si cang lai tiah Dr.Sasa nih thawngthahnak a tuah. Mah tazacuai nak ah sihni minthang bu Volterra Fietta kan hlan cang hna.

Mah sihni bu hi vawleicung sihni minthang taktak asimi Robert Volterra nih a thithruaimi a si. Cu lawng hmanh si loin, vawleicung nuhrin covo buarnak kong ah minthang Alvaro Nistal zong kawlram ralkap tazacuai nak hmun ah aa tel ve lai. Anmah hna hi vawleicung biaceihnak zung sangbik a simi International Criminal Court (ICC) le International Court of Justice (ICJ) lawng hmanh ah si loin hmundang le ramdang dang ah riantuan cangmi an si.

Mah sihni phu hi UK ram hrambunh mi an si. UK hrambunh mi an si caah hin Kawlram caah biatak tein an dir lai zumh a si. Nai te zongah UK cozah nih Dr.Sasa kong cu Parliament bakah an ceih. Mah i biachahnak pakhat biapi tukmi an tuahmi cu, UK cozah nih cun, Dr.Sasa bia hi biapi ah a lak piak peng lai tiah a ti.

Mah sihni phu riantuan lai nak ding kong ah Dr.Sasa nih a timi pakhat tu cu, kanmah kan duhning bantuk in thil kalpi colh thluahmah ding a si thlu lo, tlawmpal a caan a rau deuh kho. A tu hi a tam khawh chung tamin documents heh tiah kan khomh cuahmah lio a si tiah Dr.Sasa nih kawlram mipi sinah thawngthanhnak a tuah. A tlamtlin khawhnak lai Pathian sinah thlacamnak in bawm cio hna usih.

Kawlram chungah thah nawnnak a zual chin lengmang, ramchung buainak daih lei a panh kho tilo caah UK cozah nih a citizens hna sinah thawngthanhnak a tuah rih cang hna. A timi cu, Kawlram chungah mithah lainawnnak a karh tuk cang caah UK citizen a simi poh poh nih Kawlram chuahtak dih cang u tiah a ti hna tiah theih a si.

Be the first to comment

Leave a Reply

Your email address will not be published.