Wooow. Lunglomh Awk Tlak Thawngtha: UK Ah Aum Mi Officer rank in (Third Secretary) Nu CDM Atuah

UK um Myanmar Embassy Zung ah Secretary a tuan lio mi Daw Yamin Yu CDM a tuah,

UK ah a um mi Myanmar Embassy Zung ah Officer rank in (Third Secretary) rian a tuan lio mi Daw Yamin Yu cu October 14 ah CDM a tuah.

Daw Yamin Yu cu 2018 October thla ah London khua a phan i Myanmar Embassy Zung ah rian a luut mi a si, tiah BBC nih a tial.
The Hakha Times

Good News: Hakha Mipi Hna Caah Thawngtha Taktak Thanh Asi Zul Cio Hna Usih! Kan Khua Kan Lairam Kan Zam Tak Lailo Cathanh. Kan rampi cu ralhrang pawl nih ruru-hranghrang in uknak an chuh hnuah zeihmanh an tuah khawh mi a um lo. An tuah khawh mi cu kan ram si fahter mithah lainawn mi innlo hrawh mi thilri hrawh mi thilri fir mi tlaihhrem le harnak phunzakip pek lawnglawng hi an tuah khawh mi a si. Cu bantuk uico rual cu doh an hau.

Cucaah NUG, CRPH, Tlangcung hriamtlai vialte CDF, CDMers, ramchung ramleng in chawve he a phunphun in doh an si. Abik in CDF nih thisen le nunnak tiang pek in a suurhaan hrial loin an doh. Fikfa, ngalsang le caangvat lak ah rawltaam tihal an tuar. Zaan hmanh lungkar le thingkar ah it in zawtfahnak zong an tong.

Uico rual nih tlaihkhih ding in mincazin khumh mi na si ahcun na him nakding hmun ah tlik le zaam cu na hau ko. Asinain, ralhrang rual nih a baoh hmanh an kan baoh hlan i kan ram na zaamtak ahcun uico rual nih a seh mi poh seh ko hna seh, keimah ka him poh ahcun a poilo ti mi he aalo hnga. CNA le CDF nih tihal le rawntam in siseh, nunnak tiang in siseh, ral an do. Khah Ahohmanh nih rawltaam tihal bu in raldoh khawh a si lo ti na theih ko bu ah kan khuaram na zaamtak kun ahcun aho nih dah tirawl a pek ne hna lai?

Mipi hna Tirawl kaa khatte le thangiah pum khatte na tikhawhtawk na pek mi hi a ngaingai cu CDM tuah phun khat a si ve. Na khua le na um ram na chuahtak cu ralhrang pawl duhpoh in an tlonlen nakding hmun na kianh bantuk a si ai. Teinak kan hmuh tik i na khua le na ram na rak kir tik ah na khuaram hmai na khap lai maw? Kan khuaram zaamtak hlah usih! By: Min langhter lo mi Hakha khua upa pakhat!

Be the first to comment

Leave a Reply

Your email address will not be published.