Xmass Asullam, Dec.25 le Semiramis

Rom Siangpahrang hna nih Babilon Biaknak phungphai Vialte cu i lak ve in Tlangbawi (Bishops) Vialte lubik sinak (SUPREME PONTIFF) kha an ngei ve. Constantine Siangpahrang chan lio zongah hi bantuk nawlngeihnak sang bik cu an hman peng rih ko.

Babilon mi hna nih an biak mi TAMMUZ pathian a min hram ” T ” cu an uar tuk caah Cross tlaihchannak a hung chuaknak hrampi a si. Cucaah an Biaknak lutlai Vialte le an member Vialte nih cross Lem cu țhi ah an ii awih dih.Rom pathian Tammuz cu  MITTRA ti zongin an kawh, Baibal thla in Thlakuanak KISLEV cu Hlan lio ROM Thlahranak December 25 ni ah Mudding Khua ah Siangpahrang Nu SEMIRAMIS nih a rak hrin mi fapa a si.

Rom mi hna Thlahranak ah a chuak mi Tammuz Birthday cu XMASS tiin an rak lomh tawn.  X  a sullam cu Pahra (10) tinak a si. Xmass ti cu thlahra Puai tinak a si ko. Thlahranak December 25 ni ah a chuak mi Rom pathian Tammuz chuah cam puai tuahnak cu zang-ennak in Judah ram le Palestine ram Vialte ah an rak tuah ter hna, (Ezekiel 8:14-18).YAHWEH nih Jeremiah sinah hi mi hna caah hin nawlnak le thlacamnak cu tuah hlah. Zeicaah tiah cun na bia ka ngai lai lo. Ram chungah le Zatlang Lamkip ah zei thil fihnung dah an tuah khi na hmu lo maw? Ngakchia le mino hna nih thing an phur i an Pale hna nih Harka ah Sa an that, an Nule nih Vanbawinu (Semiramis ) caah tiin CHANG an den piak ve, (Jer 7:16-20).

Nihin Khrihfa Zumtu țha țha hna nih Christmas, Xmass Dec. 25 ni ah puai an tuah ning he aa khat bak ko. Cucaah hlan lio Zumlotu Babilon le Rom mi hna nih Dec. 25 ni ah (or) Xmass Puai cu kum fatin tein an rak tuah Zungzal ve. Hnipuan țhațha ii hruk in an ngeihchiah chawva tampi dih in le Sațil Arva tampi nunnak cu an lak hna i ti le rawl thaw thaw he cheukhat cu Zu he Sa he nu he pa he puai cu an lomh tawn hna. Hi bantuk puai tuahnak chung i va tel ve cu YahUah Elohim nih a miphun Israel mi hna a siang ve hna lo. Pawl nih, Rom 11:9 -10, An puai ah rap ah i foih hna seh law tlu hna seh law dantatnak ing hna seh. Khua an hmuh khawh nakhnga lo an mit cu caw seh law Harnak an inmi thilrit tangah kun thluangthluan ko hna seh, a ti fawn.

Xmass Dec. 25 ni ah puai tuahnak a hrampi hi a rak thuk tuk cang i thar mino rual le Yahweh dawtnak thiang Thlarau nih hngalhternak a um ve lo mi hna caah cun theih thiam cu a har tak tak ve ko. Laimiphun le Zumtu vialte Yah- Elohin nih mit deinak le khuahmuh fiannak Thluachuah in pe cio ko hna seh. Hi bia hi David sinah rak pek mi a si i Israel mi le Zumtu vialte hna nih kan i ralrin awk an si ve.

Be the first to comment

Leave a Reply

Your email address will not be published.