YDF, CAF-MGPDF Nih Rakhrang Phu Mawtaw Bom An Hna I Ral Kap Tam Tak An Thi Than

Magwe ramtthen, Saw le Kyauk Htu kar motor lampi cungah nizan October ni 1, kum 2021 zing ah khan Min Aung Hlaing ralhraang pawl an cuannak motor cu People’s Defense Force nih mine bomb in an puah hna i ralhraang lei in bu-hmu (major) pakhat telh in pa 4 an thi tiah thawngpaang theih a si.

A tu bantuk in ralhraang pawl cuannak motor bomb puah tu hi YDF (Saw & Kyaukhtu) phu chungtel special force le CAF-MGPDF lei in ralkap hna an si, Min Aung Hlaing ralhraang lei in Bu-hmu Phone Myint Kyaw telh in pa 4 bak an thi.

Min Aung Hlaing ralhraang pawl nih hin Internet line an phiat hnu ah Saw le Kyaukhtu motor lam cungah kah dohnak a chuah lengmang caah Saw-Kyaukhtu motor lampi cungah hin mipi lei nih tlunkal le chawhlehnak tuah rih lo ding in mipi sin ah theihternak le ralrin peknak an tuah hna.

KIA nih Kawl ralkap minung 30 leng an thah than hna. Nihin i kahnak ah ralhrang 30 leng an thi.

Kachin ramkulh Kahta peng ah KIA le PDF i bawm in Kawl ralhrang pawl cu an kah hna i Kawl ralhrang minung 30 leng an thi tiah NUG nih a thanh.

Kachin ramkulh chung ahhin kahnak fak a um ve ko nain Kachin ramkulh le Sagaing ramri Sagaing ram chung ahhin i kahnak fak a tam cang.

Sagaing ramthen chung tiang in KIA cu an hung lut cang i PDF he an i bawm. Kawl ralkap pawl an kah lengmang hna. Kachin ramkulh lei Sagaing ramthen chung ahhin Kawl ralhrang tamtuk an nunnak a liam cang.

Kachin ramkulh lei an i kah tawnnak Alaw Bum tlang hrawng cu Kawl ralkap nih an tawng ngam ti lo. An kal ngam ti lo. Shan ramkulh chak lei le Sagiang ramthen chung deuh ah KIA nih Kawl ralkap cu an hun det deuh cang hna.

PDF-Putao nih ra seh, timhcia kan si, ti an thanh hnu ah Min Aung Hlaing a khuallam aa leet than.

SAC phu lutlai Min Aung Hlaing cu Kachin Ramkulh Putao kal ding voi hnih tiang aa tim nain PDF-Putao nih rak doh ding ah timhcia kan si tiin cathanh an chuah hnu ah aa leet than, tiah theih a si.

September thla chung ah Putao kal a rak i tim i amah rungvengtu ding pawl kha KIA nih kan hmunhma chung ah nan luut kholo, an ti hna i a rak i leet.

September thla dongh le October thla thokka ah kal than aa tim nain PDF-Putao nih kan kah lai an ti ruang ah aa leet than tiah PDF Channel nih a tial.

Be the first to comment

Leave a Reply

Your email address will not be published.