Yuekapin Taungah Nu Ngakchia, Nu Hngakchia A Tleihhrem Tu Pa Cu Nihin April Thla Ni, 4 Ah An.

Kayin ramkulh, Pha-an khuapi, Yuekapin taungah nu ngakchia pakhat a thihnak kong he pehtlaiin a zaammi mipa pakhat cu April 2 zaan sml 9:00 hrawngah Kyar Ing Seik Gyi pengah tlaih a si tiah min langhter a duhlotu palek pakhat nih a chim.

Cu zaan ahcun tlaih a tong i, atu ahcun Htung Aing palek sakhan ah tazacuai a si tiah amah nih a chim.Tlaih a tongtupa cu Pha-an peng Nua Chian Kung khuami Dekalit tiah auhmi mipa a si i, Htung Aing palek sakhan ah section 302 in tazacuai a si tiah amah nih a chim.

Kayin ramkulh Pha-an khuapi, Yuekapin taungah March 30 ah khan Kawl pathian bia dingin a kalmi university kumhnihnak kaimi siang ngakchia Ms. Ya Chi Hlaing cu April 1 zinglei ahcun a ruakin hmuh a si tiah Kawlram chung zatlang bawmhnak petu Pha-an phu nih an chim.Crd: The FeDeral Time.

 

Thawng pang dang,Rakhine le Southern Chin, Paletwa in Yangon a rak phanmi Ralzam hna lawmhnak ni March 29, 2022 ah Yangon Believers Church Mino hna nih Saram zuatnak zoo ah an va kalpi hna hnuah Believers Church campus ah zanriah dangh an si. An i lawmhnak kong nan rak rel, nan rak kan theihpi, thla nan kan campimi cungah kan i lawm tuk.

Ralzam Gospel team, team kan siam i, an phak khawh tawk in Ralzam hna umnak hmun kip ah thawngṭha chim le thlacampiak in atulio hi rian kan ṭuan cuahmah lio a si.  Mizoram Lunglei khuapi pawng ah khin ralzam camp pa 7 a um.

1 Thaizawl Refugees Camp ah minung 647 – 1 = 646) an um. 2 Phairuang Refugees Camp ah minung 130 3 Tlawng Refugees Camp ah minung 204 Hauruang Refugees Camp ah minung 31-5 Vanhne Refugees Camp ah minung 40-6 Zotui Refugees Camp ah minung 18 le 7 Haulawng Refugees Camp ah minung 31 an um hna.

  1. Tuchun, April 3, 2022 ah hin Thaizawl Refugees Camp ah Vok thau Rs. 40,000 man pa 2, Rs. 80,000 Ks. 20,00,000- man in zanriah danghnak tuahpiak an si i, Ralzamnak hmun, ei-din harnak ah hnianghnar te le vuai tein zanriah thawte ei khawh cu kan i lawm taktak ko tiah an ti.
  2. Cunak hmanh cun: – Mizoram Gospel singer minthang, PBK Liankhuma le Chin ramkulh ah minthang, Gospel singer nungak Sui Hlawn Rem le nungak Dawt Rem Iang hna mui kan kan hmuh khawh hna hrimhrim hi kan i lunghmuih tuk.
  3. Cunak hmanh cun: – Thawngṭha bia in thazaang an van kan pek hnuah hla an van sak cio cang ah cuncan tawite chung cu mi zei kan si le khoika hmun i kan um hmanh ruat loin, kan sican ning zong kan van i philh ruangmang ko. Kan i lawm taktak. 4. Cunak hmanh cun: – Voikhat ei, zanriah lawng si loin, caan sau deuh deih ding facang tun Buhfai bag 100 nan kan bawmhmi cungah kan i lawm chinchin an ti.
  4. Cunak hmanh cun: – Zungzal a deih dingmi Pathian bia an kan chimhmi cungah kan i lawm tuk tiah an lakah upa pa (1) nih phone in a ka chimh.

Ralzam hna caah thlacampiaktu, bawmtu hna cungah kan i lawm tuk, Jesuh nih biatak kan chimh hna, A hme bik ka unau cungah nan tuahmi paoh cu keimah cungah nan tuahmi a si” (Matt. 25:35-40) a timi cu nan sin cio ah phan ko seh.

Hi bantuk kan rianṭuannak a tlamtlin khawh nakhnga camp hruaitu upa (1) Camp president, pu Lian Ceu, (2) Salai Charlie Kap (Secretary), (3) Julie nu (NgunKengtu), (4) Rev. Zung Daw, (5) Upa Mi Lawng le upa dangdang hna nan cungah kan i lawm tuk tiah hi capar hin ka van chim.

Mipi ai-awh in, Bishop, a caan a tawi tuk (March 31 – April 4, 2022) kan vuai lo, cam deuh rih hna seh tiah a ka chawnmi zong nan um ko nain, Aizawl lei ah Good Friday program kan ngeih (plan) ciami a um caah ka ruat thiam ko ne ulaw tiah nan caah Thlacampiak peng buin,Crd: CK No Chum.