Zeidah San A Tlai Ti Hnga ?|| Tleihhrem Hnu Le I Thah nawn Hnu Ah Phaisa Kyast Ting 21 In An I Nawl Len

Kachin ramkulh Momauk Myone Numlang khua ah kum 50 asimi cu tleihhrem a si hnuah thah a si i cu kong he pehtlai cun SAC ralkap tatmah 88 le tatyin 616 nih phaisa ting 21 he an chung le sinah ngeihthiam an hal hna.Tatyin 616 nih phaisa ting 1 le tatmah 88 nih ting 20 he an chung le sinah ngeihthiam cu an va hal hna i sual tuahtu ralkap pathum cu ralkap daan bantukin an pathum in hremnak cu kan pek hrimhrim hna lai tiah an ti ta hna.

Tleihhrem a si hleiah thah a tuarmi pitar kum 50 nu cu July 14 ah khan an khua Numlang khua in meng 2 hrawng ai hlatnak hmun ”lo” ah a kal i cu ni cun inn ah a tlung ti lo.Cu tikah a chung le nih cun an va kawl i July 15 ah khan an ”lo” chungah cun a kaa ah puanchia an hruk i taklawng in a rak thih ko cu an va hmuh.A ruak cu Bhamo siizungah an kal pi colh nain a thihnak hi nihnih tluk a si cang caah tleihhrem a si le si lo cu an check ti lo ti si.

A sinain khuami pawl le a ruak an char ni i a hmu mi hna nih cun a taksa ah tleihhrem a sinak hma neh pawl cu kan hmuh ti an chim.Ka chin nubu pawl hna nih cun tleihhrem case le mithah case in kan tan hrimhrim lai tiah an chim.KSWN i tuanvo ngeitu pakhat nih cun SAC ralkap pawl cu kan ram cozah nih an cohlan mi an si lo caah an mi remnak cu kan cohlang kho lo.

NUG nih le biaceihnak zung an ngeih lo tikah UN Human Rights zungah thubuai kan tuah lai i daantatnak kan ngeih piak hna uh tiah kan ti hna lai tiah KNG sinah an chim.Khuami le khuatlang hruaitu hna nih cun tleihhrem a si hleiah thah a tuar tiah an aupi len nain SAC ralkap nih cun thah a tuar ti lawngin sualtuah tu ralkap 3 hna cu hremnak pek an timh hna i Numlang khuami nu pakhat le ralkap 3 cu bia an i el i an i elnak ah cun naamte he bak i thah ding tiangin an i dir awnh hna tiah July 17 ah an rak chim. chinlandtodaynews chungin van char mi a si.

Be the first to comment

Leave a Reply

Your email address will not be published.


*