Zotung Lei I Ahnu Bik Kahdohnak Thawngpang

Matupi lei in ralhrang arak tho tu hna cu Rezua khuapi chung tiang an rak phanh hnu ah  khuapi chung I aum mi khuanu khuapa hna cu, ahim deuh tiah an ruah nak hmun an mah le neihniam deuh um nak khua cio ah an zam dih hna. Cu ti in mipi an zam dih cu ralhrang nih cantha ah an I lak I, inn khat hnu in khat in an lut i mipi hna inn chung thilri vialte an fiar dih an hrawh dih pin ah cheukhat in hna le Biakinn hna ah cun an mah umnak sakhan caah an hman hna.

Cu caah CDF Zotung mipi kilveng tu ralkap hna nih Feb 3. 2022 ahkhan Khuapi chung hmunkhat ah athli in an va kah hna I ralhrang lei minung 2 an that hna cu hnu ah cun ralhrang hna nih cun  Miakpi(hriamngan) in an cat lo in ankah hna caah CDF Zotung cu hnu ah ankir, aahliam mi le athi mi um lo tein an kirk ho tiah theih asi.

Atu batuk in Matupi lei in ral arak tho tu ralhrang hna cu CDF Zotung le ttangti Unau hna nih zarhthum chung an kah ko hna nain an hriamnam aa thlua tuk caah atu bantuk in Rezua khuapi chung tiang an phanh khawh I hmunhma an lak khawh nak hi asi.

CDF Zotung mipi kilveng tu ralkap hna nih hin hi Rezua ah ralhrang hna hmunhma an lak ruangah hin kanral that nak azorter hlei lo, kan thisen le kan nunnak pek in ram le miphun caah kan I zuamrih lai, atu hi adonghnak asi hrimhrim lo tiah mipi sinah biacah nak an ngei ve. Source: We Love Zotung

Be the first to comment

Leave a Reply

Your email address will not be published.