ZRA Hriam Tlai Pawl An Rak Lang Ve Cang. An Rak Langh Nak A Ruaung Cu?

Kan lai mi chungin hriamtlai phu pakhat si ve mi hna ZRA Cu a tu nai hrawngah an vun lang ve cang, an nih hi, Tidim,Tunzang lei hrawng hrang an si tiah ka ruah.Zei dah an policy le ani tinh mi asi ti cu ka thei ve lo.Hlan lio deuh ah khan Tta Mu, le Mo re hrawngah an rak duty ve tawn i, cuka ah cun ka rak hmuh ve tawn hna.

Ralkap an ngeih mi cu kan theikho ve hna lo i, mipi lei nih an chimnak ah cun,ralkap zawng an tam ngaingai ve i, hriamnam zawng Ttha ttha an ngei fawn tiah an rak chim bal.Hlan lio deuh ah khan,CNF he zawng anrak i kawm bal cang rua ka thei set ti lo.

Ka hawipa pakhat nih aka chimhnak ah cun, khua lei ka tlung lai ka tilio ah ZRA nih cun an ka tlaih i, ka rak ttih tuk ko hna. a ruang cu, CNF na si maw tuah an ka hal i, ka si lo ka ti hna zawngah, anka zumtuk lo i, ka thin a rak phang ngaingai.A sinain pathian zangfahnak thong in ka tli tak tthan khawh hna i ka lawm taktak tiah a rakka chim bal.

Ka chim duh mi cu,Laimi ciocio an i ko i, ziah CNF he zawng ani fonh lawlaw lo tiah ka rak ti tawn mi an si. An policy le ani tinh mi cu ka thei lo nain,Chin miphun lakah “Zomi” ati mi pawl hi an asi tiah ka ruah.Cozah lei zawng hi cu tluk cun an do hna lem lo.

Dr Sasa Tidim arak kal lio ah hin, a bia chim le a awka an rak ngai i, cu lio ah cun Dr. Sasa cu an rak uar ngaingai mi kha asi.Cu caah a tu kan kawlram buai lio ah hin DR.Sasa cu UN palai a rak si fawn tikah le ramdang he pehtlaihnak a tuah khawh tikah an uar chinchin nak zawng sikho cang men.

Hlan ah cun anrak lang bal lo nain,a tu kawlram buainak a rak chuah hnu in mipi hmuh in anrak lang ve cang , mipi nih ralkap uknak kan duh lo tiah kan au mi le Democracy kan duh tiah kan au mi hi,an pawm ve cang caah silai tiah ka zumh.

Be the first to comment

Leave a Reply

Your email address will not be published.


*