ZRA Le CNA Karlak Kahdoh Nak Kongah CNA Lei Nih Chim Fiannak An Tuah

  December ni 17 zinglei Sml. 3 hrawng ah Chinram kulh Tedim peng Ngawsing khua pawng ah CNA le CDF Hualngo I bawm in ZRA cu an kah hna tiah thawng achuak. Hi kahdohnak ah hin kaphnih lei in aahliam mi an um le um lo thawngfiang theih asi lo.

CNA le CDF Hualngo I bawm I atu bantuk in ZRA an va kahnak kong he petlai in CNA lei in biachim Salai Htet Ni nih hi ti hin achim, kan mah nih kan kah hna hlan ah hin December ni 15 lio ah hin Haimual khua ah kawl ralhrang hna he an I tong.Cu lioah cun kan I bawm lai I Pressure kan pek hna lai tiah timhtuah nak an ngei tiah thawngkan theih. Cu caah kan nih zong nih an khuakhan mi hmaikal kho lo dingin kan kham ve hna. Cun CNA umnak hmun Zimte khua ah asi.

Cu Haimual khua ah Pastor auh an si lo, hi bantuk hi kan nih nih kan tuah mi asi lo, an mah(SAC) lei nih an tuah mi an I tlaih mi tu asi. Cun an nih lei hi minung 20 in 30 karlak hrawng an si tiah achim.Asi nain atu bantuk in kahdoh nak kong he pehtlai in ZRA nih Cathanh pakhat an chuah. CNA le adang hriam tlai phu 3 in minung 50 hrawng nih December 15 ah Tedim peng Haimual khua ah an rak lut I Pastor le chungkhar an tlaih hna I an kal pi hna an hrem hna atu tiang an um nak theih an si lo.

December ni 16 zan ah hngakchia pakhat cu Ngawsing khua leiah ralsatalh ah an hman, cu pinah CNA nih an kah mi nih ZRA hna an It nak  Ngawsing khua I Inn ngei tu minung pahnin nih hliam hma an pu tiah an tial.Haimual khua pawngkam I aum mi khua kiangkap hna nih December ni 15 ah khan ZRA pawl cu Haimual khua ah an um I athaizing December ni 16 ah CNA le Phudang ralkap cu Haimual leiah an kal kan hmuh hna tiah an chim.

ZRA pawl hi India cozah he remdaih nak minsen athu mi an si I, ramri hngak bantuk in a um mi an si, atu kum fulpichung ah khan India Myanmar ramri ah PDF sakhan 3 cu voi thum tiang an hrawh piak hna I an tlaih mi hna zong an hrem hna tiah theih asi.  ZRA nih an hrawh mi sakhan 3 ah hin CDF Hualngo sakhan zong hi aa tel ve. Source; Zalen

Be the first to comment

Leave a Reply

Your email address will not be published.