Zual Ko : Kalay ah SAC Ralhrang nih Chinmi Pakhat an Kah

Kalay ah SAC Ralhrang nih Chinmi Pakhat an Kah
———
Nihin (June 24) zinglei ah Kalaymyo, Taungphilar sang ah SAC ralhrang nih an kahmi Chinmi pakhat a ruak in an char. An kahmi pa hi Salai Ngun Nei Piang tiah theihmi a si. Taungphilar sang, cozah quarters pawng ah a ruak an char. Nihin zinglei ah meithal puah thawng voi 4 hrawng kan theih, tiah sangmi hna nih an chim. The Chin Journal

Thawngpang dang relchap : A Paw Tam A Celh Lo Caah Inn Baoh In Rawl a Ei Mi Vui Pakhat

A Paw Tam A Celh Lo Caah Inn Baoh In Rawl a Ei Mi Vui Pakhat. June 21 khuadei hlan suimilam 2 hrawngah Thailand, Hua Hin ah Vui pakhat cu a paw a tamtuk caah Rachadawan Phungprasopporn inn cu a baoh i rawl a ei tiah New York Post nih a tial.

Vui nih a inn a baoh piak mi pa nih; a thawng ka theih in ka tho colh. Ka zoh cu kan coka a baoh i facang a rak ei ko. Vui ka hmuh cu ka lawm ngai nain a ra than hawi lai ti ka phang pah. Inn a rawk mi remh dingah Baht 5000 tluk cu a dih lai.

Kan hnulei zong ah kan inn pawng ah voi 1 ka hmuh cang. Mah lio ahcun zeihmanh a kan hrawh piak lo tiah a chim. Vui nih an inn a baoh i rawl a ei mi video hi a nupi nih a lak i Thailand social media zong ah a lar ngai mi a si. Thai miphun pawl nih vui hi an sunhsak ngai mi a si i, puai an tuah tik zongah an hman ngai mi asi. # therivernews. The Chin Post

Be the first to comment

Leave a Reply

Your email address will not be published.


*