Zual ko : Pi Hniangte Cu Tiva kal Nak Ah Vui (Sai) A Thah .

Zual Ko! Sai Nih Pi Hniangtei A Thah! Nizan ni 29 April 2021 ah khan Pu Vanropuia te nupa Hmunnuam, Lawngtlai district cu an nupa-in Chengkawl/soksawl char dingin an kal. Chengkawl/soksawl char dingin an kal lio ah lampi ah Sai thawngpang an theih i, kir dingin an i timh lio ah ruah lo piin Sai cu a rak chuak.

Sai nih a hmuh hna bak in a dawi colh hna caah an nupa cun i tthen phawk in a dang ve ve in zanmui lak ahcun an zam. An pa cu aa thuh manh caah a nunnak cu a him nain hliam a tuar ve. Sau nawn a rauh hnuah an nu kawl dingin a chuak i, an nu cu heh tiah a auh len nain a theih lo caah amah tu inn lei ah zinglei suimilam 2 tluk ahcun khuami thawngthanh dingin an umnak Hmunnuam khua ah a tlung.

Thil sining cu khuami sin a thanh i, tuzing ah Pi Hniangtei kawl dingin Hmunnuam khua YLA nih Sai-nih a dawi hnanak hmun ah an va kal tik ahcun Pi Hniangtei cu a ruak in an va hmuh cang. Pi Hniangtei nih hin a pasal le fapa hngakchia pakhat a kaltak hna.

Hi thawng theih a si le cang ka in MDC Pu HC Thawmliana nih cun YLA ruak a kawltu hna cu a herh ning in cawlcangh khawhnak caah tiin (MDC hi Aizawl a um lio a si caah a aiawhin) phaisa zeimawzat a pek hna. Ngaihchia mi chungkhar Bawipa nih in hnem ko hna seh. Ref: MIZO JOURNAL

Be the first to comment

Leave a Reply

Your email address will not be published.