Zualko : Lai Mi Nih Ka Ni Bochan Bik Mi Dr.Pu Sang Ci (Aizawl)Um Mi Nih Mual A Kan Liam Tak Cang.

Dr.Pu Sang Ci Nih A Tu Nai Teah Mual A Kan Liam Tak.Dr.Pu Sang Ci nih mual a kan liam tak.Pu Sang Ci hi Chin miphun lak ah cathiam sang hmaisa kan i neih mi a si.cu pin ah Mizoram, India ram chung hmanh ah mipi nih an theih mi a si.tuzan March 1/2/2021. zan suimilam 9:45 pm ah khan Cancer zawt nak in Trinity Hospital, Aizawl ah a kan thih tak.

Dr.Pu Sang hi Aizawl LCF (Lai Christian Fellowship) ah hruaitu can saupi a kan t’uan piak tu a si.Miram dang Mizoram ah khuasa mi Chin miphun hna caah a lam kip in a kan domhtlaih tu Nu can Pa can ah kan i neih mi Pasal t’ha pakhat a si.Dr.Pu Sang Ci nih hin Ngakt’ah hna,Nu le Pa nei lo le cawmtu nei lo hna minung zei maw zat hna cu ramthumnak ah bawmchantu a kawl piak hna i, Nu hmei Ngaktah hna fimtawltu a si.

Cun, khual a tlawn nak kip ah thlarau tlau tampi a tlaitu le Pathian rian a t’uan cuahmah tu a si.khual a tlawn nak ah Pathian bia lawng si lo in taksa ngamdam nak lei zong biatak tein a cawnpiak chih hna.a tu a um nak hi Aizawl khuapi, Zarkawt sangah a um i,thaizing 2/3/2021.Nazi 11:00 am ah khin Zarkawt Hall ah a ruak vui nak can hman a si lai tiah kan theih.

Dr.Pu Sang Ci nih a tantak mi a cingla rualchan vialte Bawipa nih an ngaihchiat nak mitthli hnawh piak hna seh.

Source : Vanglai Ni.

Be the first to comment

Leave a Reply

Your email address will not be published.