Zualko; Tu ni KNLA le Ralhrangbu kahdohnak ah Karen ralbawi pa 1 a nunnak a liam e

Zualko; Tu ni KNLA le Ralhrangbu kahdohnak ah Karen ralbawi pa 1 a nunnak a liam e
==============

Karen National Union(KNU) Brigade-5 cawlcanghnak Hpa-pun peng Maykyihke(မယ့်ကြည့်ခီ) le Nihlar( နိလား) kar Ralhrangbu le KNLA kar ah September thla ni 16 kahdohnak ah Ralbawi Saw Kyaw Rein a nunnak a liam tiah theih a si.

“A nunnak a liam mi cu Saw Kyaw Rein, ni 16 ah a liam mi Ralbawi training a dih nak a sau rih lo” tiah KNLA Ralbawi pa 1 nih Yangon Khit Thit Media sin ah a chim. KNLA le Ralhrangbu kar ah kahdohnak cazin September thla ni 15 tiang cathanh a chuah cang i mah kahdohnak ah cun Ralhrangbu le BGF lei in 70 an thi i 91 hliam a pu tiah theih a si.

“Ralhrangbu nih thazang chap chin ruangah kahdohnak cu nifatin a um, thla ni 17 ah Hpa-pun in ti le rawl a phor tu mawtaw pa 1 cu KNLA nih bom a puah piak i an hrawh. Cu hmun ah cun Ralhrangbu lei in pa 1 a thi i, pa 2 hliam a pu, kahdohnak cu cu hmun ah a si lo ah cun a dang hmun ah a chuak” tiah KNLA ralbawi pa 1 nih a chim. Crd; Khit Thit Media

Germany ram ah tuahmi Oldenburg International Film Festival ah Myanmar movie a simi “What happened to the wolf?” cu an piah ve i cu movie chung i lemcang Eaindra Kyaw Zin nih Seymour Cassel Award for Best Performance a hmuh tiah Sept 20, tuni ah thanh a si. Mah movie hi Director Na Gyi nih a thlakmi a si i Eaindra Kyaw Zin le Paing Phyo Thu cu a biapi bik lemcangtu an si.

Cun May Oo nih movie caah tamhmoih (make-up) lei tuanvo a lak. Oldenbury International Film Festival ah “What happened to the wolf? in lemcang thiambik (Seymour Cassel Award for Best Performance) a hmutu Eaindra Kyaw Zin cu rampi minchiatter sualpuhnak pohmah 505 in tazacuai a si i Insein thonginn ah a um lio a si. Amah lawng si loin hi movie ah aa telmi lemcang dang le make-up thuhtu hna cu ralhrangbu nih tlaih dingin a thanhmi hna an si.

Ralhrang uknak duh loin CDM a tuahmi hna cu inn ah an lawi nan theih/nan hmuh hna ahcun a rannak in thawng nan pek lai tiah ralhrang nih a kuttang zung riantuantu hna sinah nawl a pek hna tiah Non CDM hna nih an chim. Non CDM pakhat nih cun “CDM a tuahmi hna an umnak address le an zaamnak ah an um maw um lo, cun a chungkhar he pehtlaihnak a tuah maw, asiloah inn ah a rak lawi maw ti bantuk kha tha tein hlathlai hnuah a nai bik palek sakhan ah thawngthanh dingin nawl an kan pek” tiah a chim.

Ralhrang nih nawlngeihnak an lakmi duhlo ruangah cozah riantuan tampi cu CDM an tuah. Ralhrangbu nih thatlonak dang a tuah lomi CDM hna cu an kir ahcun dantatnak zeihmanh kan tuah lai lo tiah an thanh nain a taktak ahcun CDM a tuahmi an tlaih lengmang hna, tiah Than Lwin Times nih a tial. Ram pumpi ah CDM a tuahmi cozah riantuantu sing 4 renglo an si tiah theih a si. Crd; The Chin Post

Be the first to comment

Leave a Reply

Your email address will not be published.


*